Unha tradución xurada é unha tradución legal, é dicir, que ten validez ante calquera organismo oficial tanto no noso territorio nacional como no estranxeiro. Adoita ser habitual no caso de expedientes académicos, certificados de nacemento, de matrimonio ou de defunción, contratos, escrituras públicas, etc. Para que unha tradución teña carácter de xurada ten que ser realizada por un tradutor nomeado polo Ministerio de Asuntos Exteriores para os idiomas do traballo. Este tradutor terá que selar e asinar a tradución ademais de certificar os datos pertinentes: idiomas, data e lugar. Pódese dicir que actúa coma un notario lingüístico.

Polo xeral, un tradutor pode traducir unhas 2 500 palabras ao día. Dependendo de se o traballo é xurado ou non e do nivel de especialización do texto, de se a entrega se realiza por correo ou servizo de mensaxeiro, o prazo pode incrementarse, pero sempre pode confiar na data de entrega estabelecida polo xestor de proxectos.

Dependendo do tipo de texto, é posíbel que nun mesmo proxecto de tradución traballen varios tradutores ao mesmo tempo, sempre cun único revisor final que garanta a coherencia terminolóxica e estilística. No entanto, esta forma de traballo non é a máis económica, polo que teñen que estar claras as nosas prioridades.

As traducións escritas adóitanse cobrar por palabra, mentres que os traballos de interpretación cóbranse por horas e mesmo por días. Xeralmente, unha folla de texto escrito contén unhas 300 palabras, aínda que se o texto inclúe táboas ou ten marxes escasas este numero de palabras pode variar. No momento en que envíes os datos sobre o texto ou o propio texto, o xestor de proxectos realizará unha estimación de palabras ou de horas necesarias.

Os textos técnicos poden beneficiarse das vantaxes do uso de ferramentas de tradución que permiten aproveitar as traducións previas para, desta forma, reducir custos. No entanto, para que as ferramentas de tradución sexan útiles e poidan reducir o custo da tradución, o tipo de redacción do texto debe axustarse a uns patróns sintácticos e de repetición determinados. Consulta cos nosos xestores de proxectos antes de redactar o documento para que te orienten sobre o tipo de linguaxe e sintaxe máis apropiada.

Alternativamente, outra forma de reducir o custo da tradución é ampliar o prazo de entrega entre o dobre e o triplo do tempo habitual. Se non tes présa pola recepción do texto traducido, aproveita esta opción para reducir custos. Planifica as necesidades de tradución con antelación para que o custo non sexa máis elevado.

A agp traducciones adáptase ás túas necesidades. No caso das traducións, traballaremos dunha forma ou outra consonte o tipo de traballo a realizar e o formato dos documentos (formato electrónico, copia escrita ou orixinais). Se o texto ten formato electrónico, o máis rápido e sinxelo é que o envíes por correo electrónico. Nós facémonos cargo de entregarche o traballo da forma máis adecuada. No caso das traducións xuradas, dado que se trata de documentos físicos, podes facernos chegar os orixinais por mensaxeiro, por correo postal ou en man, ou ben enviar unha copia escaneada por fax ou correo electrónico.

No momento de aceptar o traballo acordarase a forma de entrega, sexa en man, por correo electrónico, por correo certificado ou por mensaxeiro. Podémoschee entregar unha copia escrita ademais dunha copia en CD, sempre segundo as túas necesidades e prioridades.

No momento de realizar o presuposto acordarase unha forma de pagamento tendo en conta as túas preferencias. Xeralmente, será necesario aboar un anticipo parcial, no momento de confirmación do presuposto, e o resto no momento da entrega. No caso das interpretacións adóitase cobrar entre un 25 e un 50 % (non reembolsable) do importe final do proxecto por anticipado, en concepto de reserva de datas. En todo caso, comparte as túas inquietudes co xestor de proxectos, é moi probable que poidamos chegar a un acordo viable. Aceptamos pagamentos en efectivo, con tarxeta, por transferencia ou xiro bancario.

Aínda que se poden valorar proxectos en case calquera formato de texto ou imaxe, o traballo de tradución realízase sempre sobre formatos editábeis (word, excel, ppt, etc.). Podemos realizar e entregar traducións en case calquera formato, pero en caso de traballar con texto non editábel ou imaxes é posíbel que se deba incrementar o orzamento por causa da extracción do texto. Xa que logo, unha vez aceptado o orzamento, asegúrate de enviarnos sempre un texto editábel, se dispós do mesmo.

Os nosos tradutores son profesionais con longa experiencia no sector e saben que o cliente pode estar revelándolles información chave ou importante para o seu desenvolvemento estratéxico comercial. Por iso todos eles asinan previamente un acordo de confidencialidade que os obriga a non transmitir nin divulgar a información que poidan obter dos clientes así como a gardar e devolver, se lles fose requirido, calquera tipo de material proporcionado polo cliente.